Shillong, Risaw, 29: Ki Pulit ka Anti-Narcotic Task Force (ANTF) East Khasi Hills District ki la ïohkem sa uwei u snar khaïi drok da ka jingbuddien halor ka jingïohkem ïa ki arngut ki nongkhaii drok ha ka 24 tarik mynta u bnai na Nongmensong.
U kyrwoh ba la phah da u Superintendent of Police ka East Khasi Hills u Bah S. Nongtnger u la pyntip ba ïa une u snar khaïi drok la kem na Baghmara, South Garo Hills bad da ka jingphla jong u, ki Pulit ki la ïoh kurup 23.56 gram u drok Heroin ba la thep ha ki ar tylli ki synduk thep sabon na ka ing sah wai jong u ha Nongrim Hills.
