Shillong, Lber 20 : Ha ka miet 18 tarik kata ha ka Sngi Saitjaiñ u wei u samla u ba kyrteng u Sekharaia Sohthiang 25 snem, u la shah dung na ka bynta ka shadem ha Them ïew Mawlong ha ki saw gut ki briew ki bym lah ban ithuh kiba kren da ka ktien barjylla.
Kane ka jingjia kala jia katba u dang ïaid lynti na Them ïew Mawlong ban leit sha ïing ki hymmen sha Mawlai Nonglum .
Kat kum ka FIR ba la ujor da ka hymmen ka kong Princy Sohthiang la pynpaw ba ha katei ka janmiet utei u para jongka u dang wan phai na jaka trei na Mawshabuit bad u ïaid da ka kjat na Them ïew Mawlong. Haba la poi hajan jaka ïeng ki Auto Rickshow, la wan saw ngut ki briew kiba kren da ka ktien bar jylla bad pan jingpruid na u. Haba u ong ym don ki pan sa ka mobile phone bad haba um ai ki sa sei da ka dakar bad dung ïa u na shadem. Ha katei ka por u la kyllon bad ym tip briew shuh bad dei hadien katto katne kynta ba la don kiba wan ïarap bad pynpoi ia u sha ïing.
Une u samla mynta u dang don hapdeng ka jingshah sumar.
