Jowai, Nailur 26: Ka West Jaiñtia District Sports Association, (WJDSA) Jowai hynne ka Sngi Hat Majai ka la ïoh ban plie pyrda ïa ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 kaba la pynïalehkai ha madan Kiang Nangbah Stadium, Dongmihsngi Jowai.
Ha kane ka sngi sdang ïa kane lympung ka kynhun ïalehkai jong ka Sabahmuswang ka la khur ïa ka namjop hadien ba kala lah ban pynliem da 2-1 kol ïa ka Mookyndur.
Ka Sabahmuswang ka la ïoh ban pynkhihjar nyngkong na u Dayo Shylla haka minit ba 42 bad kam shym la slem ïa kane ka kynhun ban ïoh kyntiew ïa ka kol kaba ar kaba la thep da u Lakhon Dhar haka minit ba 47.
Na ka liang jong ka Mookyndur ka la ïoh ban pynphai shi kol na u Jomsing Pariat haka minit ba 90+9 hynrei ka por ka lyngkot eh ïa ka kynhun ban ïoh pynïakhaid.
Ka jingïakhun ha ka 3.10.2023 kan long hapdeng ka Demthring pyrshah ïa ka Mukhla Evergreen haka por 2 baje nohphai sngi.
