Nongpoh, Nailur 26: Ha ka sien kaba nyngkong eh ba ka kynhun na ka jylla Meghalaya ka la leit ban shim bynta ha kawei na ka jingïalehkai sport ba la tip kum ka Lawn Bowling kaba la pynlong ha Nongbah Guwhati.
Kane ka Lawn Bowling National Championship ka dei ka lympung ïalehkai ba la wan ban shim bynta da ki 16 tylli ki jylla na ki jylal bapher bapher ba la pynlong ha Nongbah Guwahati. Na ka liang ka jylla Meghalaya, ïa kane ka kynhun la leit ban ïalam da u Bah Precious Rani kum u Manager bad ki don 7 ngut ki rang ïalehkai bad 5 ngu ki thei ïalehkai kiba shim bynta ha kane ka jingïalehkai sport kaba la sdang naduh ka 23 tarik u Nailur 20213 bad kan kut noh haduh ka 29 tarik u Nailur 2029.
Na ka liang ki rang bad ki thei ïalehkai jong kane ka jingïalehkai sport ki la pynpaw ka jingsngewkmen ban ioh ban leit shim bynta ha kum katei ka lympung bad wat la ka dei ha ka sien kaba nyngkong bad ka la ai mynsiem ruh ïa ki shibun ba kin dang lah ban ïalehkai bha na ka bynta ban ioh khur ïa ka nam jop.
Shhuh shuh, ha ka jingïalam u Bah Precious Rani katei ka kynhun na Meghalaya ki pynpaw ïa ka jingkem ha kaba wat ha ka sien kaba nyngkong ba ki la leit ban shim bynta bad ki don ruh ka jingkyrmen kaba skhem ba da ka jingleit shim bynta ha kane ka lympung kin dang lah ruh ban kyntiew ïa kane ka kam ïalehkai sport ba la tip ha ka ktien nongwei Lawn Bowling.
