Sdang ka jingpynbeit pud kaba ar da kaba leit jurip ka RC ïa ka Khanduli

0

Jowai, Ïaïong 25: U Ma Sniawbhalang Dhar kum u Chairman ka kynhun Regional Committee na West Jaiñtia Hills kaba dei ka kynhun ban jurip ïa ka jingpynbeit ïa u pud hapdeng ki ar jylla Meghalaya bad Assam jong ka 2-Phase mynta ka sngi kila sdang ïa jingïalang (Committee) ba ha ophis U Deputy Commissioner ka West Jaiñtia Hills District.
Ha kane ka jingïalang la ïadonlang u Vice- Chairman ma Comingone Ymbon MLA, u CEM ka JHADC ma Thombor Shiwat, u MDC Barato ma Aiborlang Shadap u DC bah B.S. Sohliya bad ki ophisar nalor kiwei de.
Na ka liang u ma Sniawbha hadien ka jingïalang haba kren sha ki lad pathai khubor ula ong katkum ka Notification ba thymmai jong ka sorkar hashwa ba ngin ai ïa ka report sa ka sorkar jylla ngi dei ban sdang jurip noh ïa kane ka kam khnang ban ka jingoynbeit pud ha ka sien kaba 2 kan long kaba jop.
Ha kaba ïadei bad ka kam pynbeit ïa u pud u sam lyngba ka 2-Phase hadpeng ka Meghalaya bad Assam u Chairman jong ka Regional Committee u ma Sniawbhalang Dhar ula ong na ka liang ka Committee kan pyrshang ban leh katba lah ban pynbiang ïa ki jingdonkam lyngba ka jingtreilang bad ki bor District.
Ha kaba ïadei bad kino kino ki kam pynroi kiba wan hapoh kitei ki jaka khappud hapdeng ki ar jylla ula ong lada don kino kino ki kam pynroi ki lah ban ïaid shakhmat namar ïa kane la dep ban rai naduh ki por mynshwa.
Ula ïathuh ruh ha kaba ïadei bad ka Check Gate ka khyrdop lum khajna kaba la wan sieh da ka Karbi Anglong Autonomous Council (KAAC) ha Khanduli ula pyntip ba ïa kane la dep ban weng.
Hadien jong ka jong kane ka jingïalang u ma Sniawbha ula hiar sha Khanduli ba jurip ïa ka jinglong jingman bad na ka liang ki nongïalam shnong ruh kila kyntu katba long dei ban wanrah ïa ka jingshong suk shong shngaiñ ha kitei ki thaiñ.

Leave A Reply

Your email address will not be published.