Sdang ka 16th Inter School Badminton ha Jowai

0

Jowai, Jymmang 03 : Ïa ka 16th Inter School Badminton ba la pynïaid da ka West Jaiñtia District Badminton Association Jowai, kala sdang ha ka 2 tarik u Jymmang ha Indoor Sports Hall ka Chutwakhu Jowai, ïa kane lympung la wan ban plie pyrda da u President ka Association ma J M. Pohsngap.
Baroh ki skul kiba la wan ban ïashim bynta ha kane ka lympung ki don 9 tylli kata ka North Liberty HSS, Jowai Public School, A.T.S, K.J.P HSS, Khimusniang Secondary School, Lummoro Secondary School Shangpung, Khadar nor Secondary School Shangpung, St. Mary Mazzarello Secondary School bad ka Chestar SS, katba ki skul kiba buh eh ki khynnah ba wan ïashim bynta ki long ka Jowai Public School bud ka North Liberty HSS bad ka K.J.P HSS.
Ha kane ka lynpung 16th Inter School Badminton yn pynïakhun ha ki 3 bynta kata Under-13 (Single/Doubles), Under-15 (Single/Doubles) bad ka Under-17 (Single/Doubles) jong ki khynnah shynrang bad kynthei ha baroh ki kyrdan. Ïa kane ka lympung yn pynkut ha ka 5 tarik u Jymmang, 2023.

Leave A Reply

Your email address will not be published.