Saudi Arabia, Nailar 26: U khlur ïalehkai ba kynsai jong ka ri Portugal, u Cristiano Ronaldo u la ïoh ban khyrwit da ka hat-trick na ka bynta ka Al-Nassr kaba la ïarap ïa kane ka kynhun ban kyntiew ïa ka namjop kaba nyngkong ha ka Saudi Pro League mynta ka samoi.
Ha kane ka jingïalehkai, ka Al-Nassr ka la pynjemkhnap ïa ka Al Fateh da kaba pynbam haduh 5-0 kol ban khur ïalade ïa ki lai point.
Ha kane kajuh ka jingïalehkai, u player ba rim jong ka kynhun Bayern Munich, u Sadio Mane u la ïoh ban thep ar kol.
U Mane u la ïoh ban plie pyrda ïa ka kol kaba nyngkong na ka bynta ka Al-Nassr ha ka minit kaba 28 kaba la ïarap assist da u Ronaldo.
Hadien nangta u Ronaldo u la ïoh ban thep ar kol shuwa ba u Mane un ïoh ban thep ïa ka kol kaba saw na ka bynta ka kynhun ban pynthikna ïa ka namjop.
U ne u rangïalehkai na Portugal u la ïoh ban thep ïa ka kol kaba san bad hat trick na ka bynta ïalade shuwa ban kut ka por lyngba ka assist na u Nawaf Boushal.
Kane ka dei ruh ka Hat trick kaba lai na ka bynta u ne u rangïalehkai barim ka klob Manchester United bad Real Madrid, u Ronaldo na ka bynta ka kynhun kaba la u la pynïasoh ha ka samoi 2022-23.
Ka kynhun ïalehkai jong ka Al-Nassr mynta ka don ha ka kyrdan ba 10 napdeng ki 18-team hadien lai sien ki jingïakhun kiba la dep jong mynta ka samoi lehkai 2023-24.
