Shillong, K’lyngkot, 25: U Abhishek Banerjee ha ka sngi Ba-ar u la ong ba sa tang da ki sngi ba ka MDA kan don ha ka khet namar sa tang katto katne por kan sa shah kyndang na ka khet ha ki paidbah bad ki paidbah kin pynrem kput ïa ki party ba don ha ka sorkar.
Haba jubab ïa ka jingkylli halor ka jingkam u Conrad ba ki nongilam ka TMC kin ryngkoh lut na ka party tang shu dep elekshon, “Nga kwah ban ong ïa u Conrad pynleit jingmut ïa ka jingïalap elekshon ïa ka party lajong namar sa tang da ki sngi ba ka MDA kan don ha ka bor namar ki paidbah kin pynrm kput ïa u,” la jubab u Abhishek Banerjee.
“Kaei kaba u Conrad kum u Myntri Rangbah u ong ruh ba kane ka jingong ban ryngkoh ki nongïalam TMC ki dei ki nia iew nia hat kaba la ïakren ki paidbah bad nga kwah ban kylli balei ha kine ki por kiba la leit la u ju sngap mo ïa ka jingeh ki paidbah kumba u sngap mynta,” u la ong.
U la ong ruh ba kane ka jingkren u Conrad ka la pynhiar dor ïa ka kyrdan Myntri Rangbah kaba u bat.
“Conrad tip ruh ba ka NPP kam dei shuh National People’s Party hynrei ka National Puppet’s Party ne ka party tynshop bad kane ka My Development Alliance jong me kan shah kynjat noh ban wan pat ka sorkar kaban peit ïa ka bit ka biang u paidbah bad u luk u lak,” u la ong.
