Shillong, Naitung 22: Ka khubor ba la ioh ia la iathuh ba kila don sa hynñiew ngut ki samla pule na Meghalaya kiba la ïoh ban ïalam na Bangladesh sha Kolkatta da kaba wan kit da ka lieng suiñ jong ka Bangladesh ka Biman Bangladesh Flight.
Kine ki samla pule na Meghalaya kila poi sha kad lieng suiñ Kolkatta ha ka por phra baje mynstep bad na ka liang jong ka sorkar jylla kan wan ïalam ïa ki sha la ka jylla da ka liengsuiñ IndiGo bad kin poi sha kad liengsuiñ Guwahati ha ka por 5.30 baje janmied.
Kine ki hynñiew ngut ki samla pule kiba la poi sha Kolkatta ki long, Beni Longman Lyngdoh, Lampura Sutnga, Sedilia Kharmalki, Beautiful Rymbai, Shaun Khongwar, Douni Iawbor bad Ha-i-Wot Lytan.
