Shillong, Naitung 22: Ki shipai BSF ha ka sngi nyngkong kila pyntip ba kila don 18 ngut ki samla pule kiba la wan phai na Bangladesh sha India lyngba ka Kilapara jong ka West Garo Hills District jong ka jylla Meghalaya.
U Inspector General jong ki BSF jong ka Shillong Frontier u la ong ba naduh ka 18tarik Naitung, 2024 haduh ka sngi Ba-ar ki samla pule kiba la wanphai sha India lyngba khappud ka jylla Meghalaya kata na Integrated Check Post (ICP) Dawki kila don haduh 574 ngut ki nong India, 435 ngut kiba na Nepal bad 8 ngut na Bhutan.
U IG jong ki BSF u la bthah ïa baroh ki ophisar ba kin peit ba kin ïarap ïa ki samla pule kiba dei ki nong India haba ki wanphai namar ka jingïakhih ha Ri Bangladesh da kaba ai ïa ki kum ka umbam undih bad dawai dashin lada ki donkam bad ban ïarap ba kin poi sha la ki jaka sah.
Na ka liang jong ki BSF kila ai ka jingkular ruh ïa baroh ki nongshong shnong jong ki ri bapher bapher khamtam ïa ki para ri kiba wan kiew sha la ka jong ka ri lyngba ki lynti kiba dei, la bthah ban pyrkhing bha ha khappud bad ka Bangladesh ban pynthikna ba kan nym don ka jingïoh rung tuh ki briew kiba dei jong ka ri Bangladesh.
