Jowai, Nailur 14: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Palei ha madan Kiang Nangbah Stadium, Dongmihsngi Jowai.
Hadien jong ka Lion SC bud sa ka kynhun ïalehkai jong ka Shangpung Khliehmuchut ban bteng ïa ka lynti ïaid sha ka semi final, bad kane ka la wan hadien ba ka la khur ïa ka namjop ha ka jingïakhun Quarter Final’ pyrshah ïa ka Khliehmynkrem.
Ka jingïakhun hapdeng kine ki ar ka la long kaba ïakhaid ha kaba baroh ar kynhun ki la shem jingeh ban pynkhihjar, hynrei hashwa ban sa kut ka por jong ka kylla miet, u Banteilut Langstang jong ka Shangpung Khliehmuchut u la ïoh ban pynrung jlang ïa ka bol ha ka 93 minit kaba la pynthikna ïa ka kynhun ban khur ïa ka namjop. Lyngba kane ka jingjop ka Shangpung Khliehmuchut kala ïoh ban rung sha ka Semi Final.
Yn pyntyllun biang ïa ka jingïakhun Quarter Final mynta ka sngi (15.09.2023), ha kaba ka Maitchaphrang Mootyrchiah kan ïakhun pyrshah ïaka Chutwakhu. Katba ka quarter final ba khadduh kan long ha ka 16 tarik hapdeng ka Lumpariat pyrshah ïaka Mooknor Thadmuthlon.
