Shillong, Nohprah 06: Ka jingïakhun semifinal kaba nyngkong jong ka 1st Inter-Academy SYM U-14 Cricket Tournament la sakhi ïa ka kynhun Shillong Cricket Academy A kaba la pynliem noh ïa ka SCA B da 53 ron ban jam sha ka final ha ka jingïalehkai kaba la long ha Don Bosco Mini Stadium hynne ka sngi Thohdieng.
Ka SCA A ka la jop ïa ka jingkynting pisa (toss) ban tied nyngkong, bad ka la buh ïa ka thong da 157 ron da kaba shah pynhap 3 wiket naki 15 obar ba la mang, bad ka jingïaroh ka long ïa ka jingskhem bad jingtbit jong u Gautam ha ka tied, ha kaba u la lah ban kamai 62 ron. U la ïoh ruh ka jingkyrshan na u Suraj, u ba la tied 53 ron khlem shah pynhap. Katba u Krish na ka SCA B u la khur 2 wiket, kynthup ïa u Gautam.
Haba beh ïa katei ka thong kaba heh, ka kynhun jong ka SCA B kam shym la kynrandien da kaba suk bad ka la lah ban kamai 104 ron bad hap noh 6 wiket naki 15 ovbar ba la mang. U Tanmay u la lah ban kamai 37 ron, ryngkat ka jingkyrshan na u Swarnadeep u ba la tied 15 ron (not out). U Siddhanth jong ka SCA A u la khur 2 wicket.
Sngewsih ba namar ka jingsniew bha ka jingshai, ka jingïakhun semifinal kaba ar hapdeng ka kynhun A bad B jong ka St Anthony’s Cricket Academy ym shym la lah satia ban pyndep hynne ka sngi Thohdieng.
