Amlarem, Naiwieng 17: Ka lympung ïalehkai phutbol jong ka Amlarem Sub-Divisional Sports Association (ASSA), kaba la tip kum ka ‘Amlarem Football League 2026-27’ kaba la long mynta ka sngi 17 tarik u Naiwieng, 2026 ha madan ASSA Mini Stadium, Ladjaplem, haka jingïakhun jong ka kyrdan 3rd Division. Haba phai sha ka jingïakhun kaba nyngkong hapdeng ka Langshiang Amsyrwai bad ka B.C Padu Shnongpdeng kila poi sha ka jingïakhaid (0-0) khlem don kiba ïoh ban thep kol haduh ba kut.
Haka jingïakhun kaba ar ka Hynriam S.C kala jop da 6-0 kol Ladjaplem S.C ïa ki kol naka Hynriam S.C la thep da u Triostar Kassar 4 kol haka minit ba 4, 16, 20 & 52, u Lesterket Kassar haka minit ba 13 bad u Wannam Kassar haka minit ba 50.
Haka jingïakhun kaba lai ka Thaw u sdiah United kala jop da 1-0 ïaka Mawlong SSC, ïa katei ka shikol na ka Thaw u sdiah United la thep da u Kamhah Nyalang haka minit ba 35.
Katba ha ka jingïakhun kaba saw hapdeng ka Amlarem SC bad ka YC Pdengkarong kila ïakhaid da mar ar kol (2-2), ïa ki kol na ka Amlarem SC la thep da u Bisen Suting haka minit ba 14 bad u Hoping Langshiang haka minit ba 82. Ïa ka kol na ka YC Pdengkarong la thep da u Special Nongrum haka minit ba 38 bad u Batskhem Pohshna haka minit ba 46.