Nongpoh, Naiwieng 03: Ha kawei ka jingjia aksiden, kawei ka trok kaba don ïa u number AS 01 PC 7013 kaba dangmih na Guwahati bad thmu ban leit sha ki thaiñ Jaintia Hills kala leit ban rat beit ïa kawei ka kali kamai kaba don ïa u number ML 10 C 0157 kumba 10 haduh 15-meter eiei kaba dang ïaid naka juh ka liang.
Katkum ka jingtip ba la ïoh lum la ong ba kane ka jingjia kala jia haka por kumba 4 duna eiei mynta ka janmiet ha Pahamsyiem, ha kaba katei ka trok kaba la pynher sted bha kala tynrah beit nadien katei ka kali kamai bad donbok ba ha katei ka jingjia ym don ba mynsaw bad naka liang ki pulit kila rah noh ïa kitei ki kali sha thanad bad ka jingtohkit halor kane ka jingjia ka dang ïaid shakhmat.
