Rakhe ka Indian Oil ïa ka Rashtriya ïa ka Ekta Diwas ha Meghalaya ban burom ïa ki riewshlur ka ri

Shillong, Naiwieng 03: Da kaba pynskhem biang ïa ka jingaiti lut jong ka ha ki nongrim jong ka jingïatylli, ka jinglong kawei bad ka jingïatreilang jong ka ri, la pynlong ïa ka jingmareh kaba shitrhem kaba la tip kum ka ‘Run for Unity’ ha ka 31 tarik u Risaw 2026, ban rakhe ïa ka Rashtriya Ekta Diwas (National Unity Day). Ïa kane ka jingmareh la sdang naphyllaw jong ka LPG Bottling Plant ha Umiam, la sakhi ruh ïaka jingwan shim bynta ba shitrhem jong ki nongtrei, ki shipai pahara bad kiwei pat ki nongïashim bynta na ki shnong kiba marjan.
Ïa kane ka sngi la rakhe ban kynmaw burom ia ka sngikha jong u sardar Vallabhbhai Patel uba ka jinglong nongialam ba ïohi jngai jong u ka la don ia ka bynta kaba khraw ha kaba pynïasoh ia ki hima sha ka Indian Union.
Da kaba pynpaw ïa ka mynsiem jong ka jingrakhe jong une u snem, kane ka sienjam ka long ruh kum ka dak jong ka jingkynmaw burom ïa ki riewshlur kiba trei shitom khlem shongthiat ban ïada ïa ka jingïatylli bad ka jingshngaiñ jong ka ri. Kum kawei na ki karkhana Maharatna bad kaba long ka tyllong pynbiang bording kaba kongsan jong ka ri, ka Indian Oil ka ïai bteng ban pynskhem ïa ka jingaiti jong ka ha ka bab tei ïa ka ri, ban pynkhlaiñ ïa ka jingïatylli jong ka ri bad ban shakri ïa ki paidbah jong ka ri India da ka jingsarong, ka jingaiti lut bad ka mynsiem jong ka jinglong shlur.