Nongpoh, Nailar 14: Ka Christ College kawei naki shlem pule ha Ri-Bhoi mynta ka sngi kala rakhe ïaka Pre-Independence Day bad kumjuh ruh ka Foundation Day jong katei ka College.
Ha katei ka jingrakhe la wan ruh ban shim bynta da u Bah Charles Marngar MLA ka Mawhati kum u kongsan haka jingdonlang ka Sister Smruti kaba dei ka Head Administrative jong ka Christ College, ka Sister Dr. Grace Rose, kaba dei ka Principal, ki Nonghikai lem bad ki Samla pule kiba la shim bynta lang ha kane ka sngi bad pynphuh pynphieng da ki sur jingrwai, ki jingshad bad kiwei kiwei ki prokram.
U Bah Charles Marngar haba kren ha katei ka sngi u la pynpaw ka jing sngewkmen ba katei ka college kala pynlong ia katei ka jingrakhe iaka sngi laitluid jong ka ri shi sngi hashwa, hadien ka jingshah synshar haki dohlieh bad kumjuh ruh katei ka sngi ka long ruh ka jingkmen ïaki samla pule hadien bala ioh ruh ban rakhe ïaka Foundation Day jong katei ka College.
U la ong, ba ka sngi laitluid ka dei ka por ban pyrkhat bad pynthymmai ïaka jingmut jingpyrkhat hakaba ka pynkynmaw ia ngi ia ki jingaiti jong ki riew ialeh kiba la iakhun pyrshah ban pynioh ka jinglaitluid naki dohlieh.
Shuh shuh u la ong, Kum ki Nonghikai ngi dei ban don ka bynta kaba kongsan ban jingpynshlur ia ki khynnah pule bad ban ai mynsiem ia ki samla pule jong ngi ban long ki nongshong shnong kiba pyrkhat bad kiba don ka jingkitkhlieh.
U Bah Charles u la ong ruh, Kane ka sngi ka long kum ka jingburom ym tang ia u Kpa jong ka Jaitbynriew hynrei wat ia baroh ki nongialam ba khraw ha kylleng ka pyrthei. Katba ngi dang pyrkhat ia ki jingjop kiba phylla lyngba ka jinglen lade ki riew khraw, ngi ruh ngi don ïaka bynta ba kum ki nongshong shnong kiba don ka jingkitkhlieh jong ka jaitbynriew ngin long kiba ïa tylli khnang ba ngin Nang lah ban kyntiew ïaka jylla bad ïaka ri hi baroh kawei.
