Tura, Kyllalyngkot 20: Ka jingiakop siat khnam jong ka Meghalaya Games kaba 5 ka la poi sha kaba kut ha ka 20 tarik u Kyllalyngkot 2024 hynne ka sngi ha Monfort Centre for Education School, Danakgre, Tura.
Ha ka jingiakhun final jong ka Indian Round (Team Event) ki kynthei, ka West Khasi Hills District ka la khur ia ka takma ksiar hadien ba ka la jop ia ka East Khasi Hills.
Ha ka Indian Round (Team Event) ki shynrang, ka South West Khasi Hills District ka la lah ba kan khur ia ka takma ksiar hadien ba ka la lah ban pynliem noh ia ka East Khasi Hills.
Ha ka Recurve Mixed Team, ia ka takma ksiar la khur da ka West Jaintia Hills hadien ba ka la jop ia ka South West Khasi Hills, kaba la khur ia ka takma rupa.
Kumjuh ha ka Indian Round Mixed Team, ka East Khasi Hills District ka la lah ban khur ia ka takma ksiar hadien ba ka la jop ia ka Eastern West Khasi Hills District.
Ha kane kine ki jingiakhun final la wan sakhi lang da u Myntri Rangbah ka Jylla u Conrad K. Sangma, kumjuh u Myntri ka tnat Sports & Youth Affairs u Bah Shakliar Warjri, u MLA ka Jowai Constituency u Bah Wailadmiki Shylla, u Chief Secretary ka Jylla u Bah D.P Wahlang, u DGP ka Jylla u Dr. LR Bishnoi, ki dkhot ka Archery Association of Meghalaya bad kiwei kiwei.
