Shillong, Iaiong 19 : Ki thei ïalehkai ka St Anthony’s College ki la ïoh ban rah ïa ka nam kum ki lahduh ha ka lympung ïalehkai Seng Khasi College Invitaional Baketball (Girl’s) Competition, ba la pynlong ïa ka da ka Seng Khasi College, kaba long kum shi bynta jong kawei na ki prokram ban rakhe ïa ka Jubili Ksiar ka kolej.
Ha ka phainal ba la long hynne ka sngi Balang ha madan ïalehkai basketball jong kane ka kolej ba don ha Weiking, Jaiaw, ki thei ïalehkai jong ka St Anthony’s ki la lah ban pynliem ïa ki khynnah jong ka Seng Khasi College da 36-13.
Ha kane ka kynti la don haduh 7 tylli ki kolej, kiba la wan ban ïashim bynta sha kane ka jingïalehkai kaba lai sngi ba la sdang naduh ka 17 tarik.
Ïa kane ka lympung la pynhap pyrda da u General Secretary ka Seng Khasi Kmie Rgh Haines Marbaniang kum u Kongsan ha ka jingïadonlang u Rgh B.S Rumnong ba dei u President ka Gorvening Body ka Seng Khasi Ciollege, nangta u Principal u Bah W. B Rynjah, ki nonghikai lem bad ki khynnah pule jong ka Seng Khasi College.
La pynkut ïa kane ka lympung da ka jingsam ïa ki Medal bad Trophy sha baroh artylli ki team da u kongsan bad kumjuh da u President ka Governing Body.
