Mairang, Nailur 13: Na ka bynta ban kyntiew shuh shuh ïa ki kam ïalehkai sport hapoh ka district ka Pyndengumïong District Sport Associtiation ka la pynlong ïa ka tamsa kynjat bol na ka bynta ki samla kynthei kaba la tip kum ka Pyndengumïong Women Football League 2026 ha madan Domawlum.
Ïa katei ka tamsa kynjat la sdang naduh u bnai Nailar ba la dep ha kaba ki la don phra tylli ki kynhun ïalehkai kiba la wan ban ïashim bynta.
Na pdeng I phra tylli ki kynhun kiba la ïashim bynta ki ar tylli ki kynhun ki ba la poi sha ka ba kut ban ïaknieh ïa ka nam lahduh ki dei ka Little Star Academy FC pyrshah ïa ka Young FC.
Ïa katei ka tamsa kynjat bol la pynkut ha kane ka sngi saitjaiñ ka 12 tarik Nailur .Ha katei ka sngi ka jingïalehkai ka la long kaba itynnad haduh katta katta namar kitei ki kynhun ki dei kiba khlaiñ bad kiba don shisha ïa ka sap ïalehkai.
Ha ka kylla step ka jingïakhun ka long kaba shong shit hynrei namar baroh artylli ki kynhun ki dei kiba tbit bha ym shym la don mano mano ba ïoh ban pynkhih jar
Ka jingïakhun ha ka kylla miet ka la long kaba shongshit bha ha kaba ki thei ïalehkai jong ka Little Star Academy ki la ïoh katto katne tylli ki kabu ksiar ban thep kol hynrei na ka jingtbit palat jong I nongap kol ki kabu ba ki ïoh kim shym la sei soh.haduh ba kut ka kyllamiet ym shym la don mano mano ba ïh ban pynkhih ïa ka jar kumta na ka liang u nongpynïaid u la ai por biang ban bteng ïa ka jingïaleh sa hynriew minit hynrei ha katei ka jingaipor ruh ym don ba ïoh lad ban pynkhih ïa ka jar bad ki la poi sha ka jingïakhaid.
Kumta na ka liang u nongpynïad u la hap ban pynïaleh da ka tie breaker ha kaba ka Little Star Acanemy FC ka la pynliem noh ïa ka Young FC da 4 kol la 1.
Ha katei ka sngi la ïadon lng da u bah Equator Nongrang MDC ka Mairang constituency kum u kongsan ha ryngkat ki nongpynïaid jong ka PDSA ba kynthup ïa u bah Lambok Nongrang President, bah Charles Warjri secretary, bad Risen Nongsiej bah Bornard Syiemïong sordar shnogn Pyndengumïong uba dei ruh u nonhgaibuit jong ka PDSA bad kiwei kiwei ki riew rangbah.
Khatduh eh la sam ïa ki khusnam da u kongsan bad ki nongpynïaid ka PDSA.
