Pyrshah jur ka MPUF-EJHD ïa ka jingthmu ka sorkar ban warah lynti rel ha EJHD

Khliehriat naitung 15 : Ka Meghalaya People United Front (MPUF) East Jaiñtia Hills District, ryngkat ka jingiatreilang bad ka MPUF seng kmie myn ha ka 12 tarik mynta u bnai hapoh ka jingilam u President EJHD u bah K. Blah ha ka jingdonlang u president sengkmie u bah Dawanpoimi Laloo lem bad ki dkhot ki la leit buh da ka jingthoh ha u Deputy Commissioner ka East Jaiñtia Hills District u Abilash Baranwal, IAS, kaba ïadei bad ka jingpyrshah jur jong ka seng ha ka halor ka jingthmu jong ka sorkar ban pynpoi ia ka lynti rel hapoh ka jylla lyngba ka East Jaiñtia Hills District.
La ong ba na ka liang ka seng ka pyrshah jur ïa kane ka jingthmu jong ka sorkar ban pynpoi ïa ka lynti rel, ha kaba na ka liang ka jong ka seng ki la buh ka jingkytu ïa ka sorkar ba ka dei ban pynioh shwa ïa ki aiñ ban ïada ïa ka jingwan rung kyrthep jong ki mynder hapoh ka jylla kum ka ILP, namar ka jingwan rung tuh jong ki mynder ka la long kaba jur bha wat mynta bym pat don ka lynti rel ruh.
Shuh shuh na ka liang ka seng ka la ong ba na ka por sha ka por ki la dawa bad buddein ha ka jingiadei bad ka jingwan rung jong ki bar jylla, kumta katba ka sorkar kam pat lah ban pynbiang ne pynioh ïa ki aiñ kiba khlaiñ kiba iada ïa ka jait bynriew hapoh ka jylla, kam patdei ban pynpoi ïa ka lynti rel.