Mawkyrwat, Jylliew, 27: U Deputy Commissioner jong ka South West Khasi Hills District u la kyntu ïa ki nongshong shnong jong ka South West Khasi Hills District kiba la don ïa ki Aadhaar Card bad kiba khlem pyndonkam shuh ïa ki mobile nombar kat kum ki Aadhar Card ba ki don ba kin wan pynthymmai noh da ki mobile number ba ki pyndonkam khnang ba kin ïoh ïa u One Time Password (OTP) ban pynshisha ïa ki Aadhaar Card.
Shuh shuh la bthah ba ki lah ban leit pynthymmai ha ki jaka ba la buh na ka bynta ban pynrung kyrteng Aadhaar kum ha DC Office, BDO Office Mawkyrwat, BDO Office Ranikor bad kumjuh ha ki shnong katkum ki tarik ba la pynbeit.
Ha kajuh ka por la bthah ba kin wan hi da lade ryngkat ki mobile number ba ki pyndonkam lem bad ki Aadhar Card na ka bynta ban pynthymmai ia ki mobile number jong ki.
