Nongpoh, K’lyngkot, 05: Katkum ka tyllong khubor ba thikna lyngba ki heh nongïalam ka jylla, ha kane ka kynti jong ka election MDC ki don ka jingkyrmen ba ka party Congress kan jop na ka Umroi Constituency hadien ba uwei na u heh nongïalam jong ka Umroi Constituency Progressive Forum (UCPF) u la pynïasoh sha ka Congress bad ban pan ticket na ka bynta ban ïakhun ha ka election MDC na Umroi Constituency.
Kumba la pynpaw, ka jingseng ïa ka Umroi Constituency Progressive Forum, ka dei ka thong ban pynïatylli ïa ki nongïalam ka Trinamool Congress (TMC) hadien ka jingthmu u Bah George B. Lyngdoh ban rung noh sha ka NPP party ban ïakhun ïa ka election MP bad hadien ka jingbym ïoh ïakhun ïa ka election MP na ka party NPP, ka la don ka jingpyrkhat bad ka jingïakren ban rung noh sha ka party Congress.
La ong ruh ha ka jingïalang jong u bnai ba la dep, ka UCPF ka la aibor ruh ïa ka Executive Committee ban ïa kren pyrkhat ne ïa pynbeit bad ka party Congress ba ki nongïalam bad ki dkhot ka UCPF kin rung noh sha ka party Congress, kaba dei hadien ba ka UCPF ka ladep rai ruh ban ai ïa ka ticket ïa u Bah M.D Syiem kum u kyrtong ban ïakhun ha kane ka election MDC na Umroi bad nalor kata ruh la dang ai bor ïa ka Executive Committee ban dang ïakren pynbeit bad ka Congress na ka bynta ban pynïasoh noh sha ka party Congress.
“Dei ha ka jingïalang kaba la long ha ka 3 tarik, Kyllalyngkot 2025, u Bah M.D Syiem u la wan ban pynïasoh noh sha ka Congress ha ka jingïalang kaba la long ha Umroi Umdohbyrthih, ha kaba la sakhi lang da ka jingdon ryngkat kiwei ki dkhot ka UCPF bad ki heh nongïalam Congress, ba u Bah M.D Syiem u la wan ban pynïasoh noh sha ka party Congress” la bynrap ruh ym tang ba la pynïasoh marwei shwa sha ka party Congress bad u la thep kyrteng ruh ban pan ticket na ka bynta ban ïa khun ha kane ka election MDC na Umroi Constituency na na ka party Congress” ki la bynrap.
Ki nongïalam jong ka Congress na ka jylla, ki la pynpaw ruh ba ka Congress kan ïoh khur bun ka jingjop na ki Constituency ha Ri Bhoi bad khamtam na Umroi Constituency, kaba dei lyngba ka jingïatrei lang ki nongïalam ka UCPF bad ki nongïalam ka Congress bad kim don jingartatien ruh ba na Umroi ka Party Congress kan ïoh rah ïa ka nam jop ha kane ka election MDC kaba dei na Umroi Constituency.
