Shillong, Nohprah, 15: Ka Sohlap Shella Ecotourism Cooperative Society Ltd (SSECSL) kum shi bynta ka jingrakhe ïa ka National Energy Conservation Day ka la pynlong ïa ki prokram ba kyrpang kum ka jingpynshlur bad ai mynsiem ïa ki paidbah ka thaiñ Shella ban ri bad sumar ïa ka mei mariang bad ïa ka jingitynnad kiba don sawdong jong ka khnang ba kan long ka jingkyrkhu na ka bynta ki pateng ki ban sa wan
Ha kane ka sngi ka Society ka la pynlong ïa ka prokram kum ka Strength Challenge, Trekking cum Camping bad E-Cycle Show Case kiba long kum ki nuksa ban pynshlur ïa ki paidbah ban pyndonkam.
Ka society ka ai khublei kyrpang ruh ïa ki riew rangbah jong ka shnong kiba la wan ban ai mynsiem, u Acting Wahadadar ka Shella Confederacy u Bah Komen Laitmon bad kumjuh juh ïa u Bah Benny Warjri uba la long u Resource Person ha kane ka sngi kynthup ruh ïa ka Shangkai Tours and Travel bad Sabdat Club kiba long ki Synjuk ban ïasnohkti lang ban pynlong ïa kane ka prokram. Kane ka long katkum u kyrwoh ba la phah da u Secretary jong ka Sohlap Shella Ecotourism Cooperative Society Ltd u Bah Bansynshar Ora.
