Shillong, Naiwieng, 15: Mynta ka sngi ka ophis jong ka Khadi and Village Industries Commission (KVIC) kala pynlong ïa ka jingpynsngewthuh paidbah ha kaba ïa dei bad ka kshim PMEGP kaba la pyntrei kamha u snem 2008-09 da kaba pynïashnoh lang bad ka Prime Minister’s Rozgar Yojana (PMRY) ban kyntiew ïa ka ïoh ka kot ha ki nongkyndong.
Ka Khadi and Village Industries Commission (KVIC) ka dei ka nongpyntrei kam ha ka Ri baroh kawei ba dkiba pyntrei kam pat ha ki jylla pat ki dei ka , KVIBs, ka District Industry Centres (DIC) bad ka Coir Board, ïa kane ka jingïalang ban pynsngewthuh paidbah la leh da ka ophis jong ka Khadi & Village Industries Commission ha at Khadsawphra College kaba don lang bad ka Higher Secondary School, Mairang , Eastern West Khasi Hills District.
Ïa kane ka jingpynsngewthuh paidbah la leh da ka jingthmu ban kyntiew ïa ka seng kam seng jam sha ki nongkyndong ban seng kam la jong bad ka thong ka long ba ‘ To long ki nongai kam ym ki nongwat kam”. Kane la long shibynta ruh ban pynurlong ïa ka Aatmanirbar Bharat, kane ka long ban pynsngewthuh ïa kane ka skhim ha kane ka District kaba thymmai.
Kiba la wan ban ïa shim bynta ha kane ka jingïalang ki don 150 ngut ki samla na katei ka thain, bala ai jingkren ban pynshai paidbah na ka KVIC Shillong u Mange Ram ba dei Director, kiwei kiba la don lang ki long na ka DCIC ka EWKH District u I Wreang ba dei General Manager ka kong A Mawlong ka Project Manager EWKH . Smt. Rita Hajong LDM EWKH.
Ha kane ka sngi la ai jingkren ruh na ka kong. Fulgida Dkhar na Nongstoin Social Service Society kaba dei kawei kaba la kiew na ka jingïarap kaba la ïoh na kane PMEGP bans hna ïa ka sabon Kristy Soap Industries, la don lang ka kong Kristimai Kharbudnah bad u Principal ka KhadsawphraCollege, ha kane ka sngi la batai ïa kiskhim na ka bynta u snem 2022-2023.
