Pynshai u Training Phawa halor ka jingjia shah pynmynsaw ki nongpyniaid shnong ha Tuberkmai shnong

Khliehriat kyllalyngkot 10: U bah Training Phawa lyngba u kyrwoh u la pynshai ba katkum ka khubor bala paw ha ki pathai khubor bad social media ka long kaba bakla bad ka bym iahap bad ka bym iadei satia bad kato ka jing shah ujor pyrshah ia u.
U Trainiang Phawa u la pynshai shuh shuh da kaba ong ba “Nyngkong don arngut ki samla kiba dei ki ba ha ïing jong nga kiba wan kai bad iaid lynti lyngba ka ïing u Waheh Shnong ha Tuber Kmai shnong bad katba ki dang ïaid la don katto katne ngut ki briew ba ieng ha kyndong ba dum ka jaka ba ki ia kren sih bad tim sih, te na ka liang kiba ha iing jong nga ki la ong ba ym dei ban tim sih hapoh shnong poh thaw bad mar hangta hi kita ki briew ki la kynrup syndon bad shoh ia ki, hadien kane kita kiba shah shoh kila phone ia nga bad nga ruh da ka jingtieng ioh ka jia eiei nga la wan wut hangta ha jaka, bad ha ka por ba nga poi hangta la dap u paidbhur ban shoh ia kita ki ba ha iing jong nga, hynrei kaba i lyngngoh pat ban peit ba hangta la don u Waheh Shnong ma Miki Lyngdoh, ki Secretary bad ki VDP hynrei kim shym la kren eiei ki shu peit kai ia kata ka jingshah shoh kita ki khynnah samla. Nga da ka jingkulmar nga rung hangta hapdeng u paidbhur daka jingmut ban pyniakhlad hynrei nga lah shah shoh pynban ha uta u paidbhur, bad hadien kata daka jingtieng nga la kum bat ia kaei re kaei kat ba ioh hajan ban iada ialade bad ia kita ki ba ha iing hynrei uta u paidbhur u nang tur ia ngi hynrei hadien ngi la iohlad ban phet na kata ka jingjia”.
“Ka jingmut jong nga hi ka long beit tang ban iada ialade bad kita kiba ha iing hynrei kam shym long satia kumba lah pharep kumba paw ha ki khubor. Namar hadien kata ka jingjia ruh dei ma nga hi ba ong shwa ba dei ban leit buh noh ia uto uba mynsaw sha hospital namar ka jingmut jong nga kam shym long satia ban pynmynsaw ia uno uno hynrei tang ban pyniakhlad na kata ka jingiashoh. Kum u nongshong shnong ngi burom bad ieid eh ia ki nongialam shnong ba wat haduh ka step jong kato ka jingjia ruh nga khlem kynthoh lane ujor pyrshah ia ki, hynrei kaba sngewsih eh ban iohi ba ma ki, ki ujor pynban bad pharep kylla ia nga”
Khatduh khatwai ruh na ka liang jong nga, nga kyntu bad kyrpad ia ki nongshong shnong bad kumjuh ia kino kino ki kynhun ba ym dei ban kynthoh palat pud khlem da tip ia ka jingshisha bad nga kyntu ruh ba ym dei ban shu bishar shiliang khmat hynrei ai ba ka aiñ hi kan leh ia kaba donkam bad ai ba ka jingbishar ruh kan bishar ha kaba iadei bad ka jingshisha”. Pynkut ka kyrwoh na u Training Phawa Tuber kmai shnong.