Shillong, K’lyngkot : Ka Seng Ieng Rasong Sports Social & Cultural Club, Shillong ha u kyrwoh lyngba u Bah S. Lyngdoh, Publicity Secretary da kane ka pyntip ba ka seng ha ryngkat ka jingïatreilang bad ka Yess! Meghalaya ki la pynlong ïa ka prokram halor ka mat “Drug Abuse and A Menace to the Society,” ha ka 21 tarik tarik mynta u bnai hapoh Community Hall Nongmensong Shillong.
Ha katei ka sngi, ïa ka prokram la pynïaid da i Kong Lin Warjri Organizing Secretary jong ka seng. La ïoh ruh ka jingduwai plie ïa ka prokram na i Bah G Nongrum Vice President ka seng bad hadien ka jingkren plie na i Bah D. Lamare General Secretary jong ka seng.
Haba aijingkren ha ka prokram i Kong Rosana Lyngdoh Director ka Impulse NGO Network Shillong i la ong ba na ka liang ka Impulse NGO ki trei na ka bynta ka Human Trafficking shaphang u drok, bad i la ban jur ruh na ka jingkyrni dih drok ka pynkylla ïa kito ki briew ban thok bad tuh bad thiem tang na ka bynta ban ïoh thied ïa u drok.
Ha ka juh ka por i laa banjur na ïa ki shnong ki thaw kumjuh ïa ka sorkar ba ki dei ban buh khambun ki Rehabelitation Centre ha ki shnong ki thaw bad ha ki District bapher bapher khnang ba kin ïarap ïa kito ki briew kiba kymi ha u drok.
Kiwei pat kiba la ai jingkren ki kynthup ïa i Bah Jonny i Supporting Staff na ka Kripa Foundation, Nongsder Ri-Bhoi District iba ha ka jingkren i la pynpaw ba ka jingdih drok ka kynrei bha ha kane ka spah snem ba mynta, bad na ka liang jong 1 lem bad ka Kripa Foundation ki la ïaleh katba lah ban leit sha kito ki briew kiba ngat ha ka jingdih drok ha ki shnong bapher bapher ban ai ka jingïasyllok ïa ki bad ban phah sumar ïa ki.
Hadien kane la ïoh ruh ka jingkren na u Abhishek Anand Councellor Kripa Foundation, Nongsder Ri-Bhoi District uba la pynpaw ba ïalade hi u la ngat ha kine ki jingdih buaid drok bad mynta u la kylla ka jingim bathymmai bad trei ha ka Kripa Foundation la 5 snem .U la aijingmut ruh ïa ki khynnah samla shynrang bad kynthei ba ki dei kiar na kine ki jingdih pynbuaid ba shyrkhei.Nalor kata u la ong ruh ba dei ban ainguh bad buh jingduwai ïa U Blei ba Un pyllait ïa baroh na kiba kum kine ki jingsniew khamtam ban kiar raimaw raidieng na u drok.
Shuh shuh la ïoh ruh ka jingkren pynshai na i Bah L.C. War Adviser jong ka seng i la ai khublei kyrpang ïa ka Dorbar Shnong Nongmensong kaba ai jingbit ban pynlong ïa kane ka prokram. I la ai khublei ruh ïa ki Resource Person ki Seng Samla, Seng Longkmie, ka KSU, ki Asha & Aganwadi lem bad kiwei kiwei kiba ïa don ryngkat ha kane ka prokram ba la pynkhreh da ka seng.
