Pynlong ka ophis DSO-EJHD ïa ka Screening prokram na ka bynta ka District Level Inter-School Athletics Meet 2026

By Mawphor Editor On Apr 21, 2026

filter: 0; fileterIntensity: 0.000000; filterMask: 0; captureOrientation: 0; shaking: 0.000000; highlight: 0; algolist: 0; multi-frame: 1; brp_mask: 0; brp_del_th: 0.0000,0.0000; brp_del_sen: 0.0000,0.0000; delta:null; module: photo;hw-remosaic: false;touch: (0.5735189, 0.43152806);sceneMode: 8;cct_value: 0;AI_Scene: (-1, -1);aec_lux: 304.0;aec_lux_index: 0;albedo: ;confidence: ;motionLevel: -1;weatherinfo: null;temperature: 27;zeissColor: bright;

Khliehriat, ïaiong 20: Kum ka jingpynkhreh na ka bynta ka District Level Inter-School Athletics Meet 2026, ka ophis jong ka District Sports Officer (DSO), East Jaiñtia Hills District mynta ka sngi ka la pynlong ïa ka jingbishar bniah ne ka screening ïa ki kot ki sla kiba donkam (document verification programme) na ka bynta kito kiba khynnah skul kiba napoh ka district kiba thmu ban leit iashimbynta sha kane ka District Level Inter-School Athletics Meet 2026.
Ha kane ka jingpynlong ïa kane ka Screening ïa ki kot ki sla la bishar bniah ruh naduh ka jinglong jingman ka koit ka khiah, ka jingshngaiñ, ka jinglah ne jingkot bor bad kiwei kiwei ki screening la leh, ïa kane ka screening prokram la pynlong ha Indoor Stadium ha Dkhiah East.
Nalor ka jingbishar bnia ïa ki kot ki sla, ia ka koit ka khiah bad kiwei kiwei, la pynshisha ruh ïa ki kyrta jong ki khynnah skul kiban leit sha katei ka Athletics Meet ïa ki skul lane ki school identity bad ka jingpynrung kyrteng ha ki kyrdan lane ki category bapher bapher, la leh ïa kane khnang ba ka kam kan long ha ka rukom kaba shai, ba khuid ba suba ha ki jingiakop jong ki ha katei ka lympung Athletics Meet 2026.
Ka District Sport Officer (DSO), East Jaiñtia Hills District, ka kong S. M. Rapsang ka ong ruh ba kane ka District Level Inter-School Athletics Meet 2026 yn pynlong ha ka 29 tarik, 30 tarik u bnai iaong bad 1 tarik u jymmang ha madan Teilang Playground, Dkhiah West East Jaiñtia Hills District.