Pynkylla ki nongkhaïi dewïong ïa ka kyrteng na ka MMO&EA sha ka SWKHMO&EA

0

Mawkyrwat, Ïaïong, 04: Ki nongkhaïi dewïong kiba dei hapoh jong ka South West Khasi Hills District ha ka jingïalang paidbah ne ka General Meeting ba la dep ban pynlong naduh ka 31 tarik u Lber, 2023 hapoh shnong Nonghyllam, South West Khasi Hills District ki la don ka jingrai paidbah ban pynkylla noh ïa ka kyrteng jong ka kynhun ki nongkhaïi dewïong na ka “Meghalaya Mine Owner & Exporters Association” (MMO&EA) sha ka “South West Khasi Hills Mini Owners & Exporters Association” (SWKHMO&EA).
Namarkata, da kane ki la pyntip bad pynshai paidbah biang ïa baroh ki trai par (mine owner), ki nongkhaiï (exporters) kynthup ïa baroh lai tylli ki export kiba dei ha Borsora, Cherragoan bad Bagli jong ka Borsora Land Custom Station (BLCS) kiba la wan ha ka jingïalang ne ka general meeting bad ki bym shym la wan ruh kumba la pyntip paidbah da ka MMO&EA ha ka 31 tarik u Lber, 2023 hapoh shnong Nonghyllam, South West Khasi Hills District.
Shuh shuh la ong ruh ba kumba ki la angnud la kham slem ban pynkylla noh ïa ka kyrteng “Meghalaya Mine Owner & Exporters Association” (MMO&EA) halor ki nongrim ba ka kynthup ïa ka jylla baroh kawei katba ka jylla treikam pat tang hapoh ka South West Khasi Hills District. Da ka jingïasngewthuh jingmut lang, jingïamynjur bad ai jingkyrshan lang la urlong mynta ka sngi ka 31 tarik u Lber, 2023 ha kaba ïa ka kyrteng thymmai la ïoh ban pynkylla noh na ka MMO&EA sha ka SKHWMO&EA) ha kaba ïa kane ka kyrteng thymmai la dep ban kyrshan bad sngewdei ruh ban pynthymmai ïa ki nongkitkam jong kane ka kynhun treikam.
Ki nongkitkam ba thymmai jong ka “South West Khasi Hills Mini Owners & Exporters Association” ki long President u bah J.C. Diengngan, Vice President u bah Rakesh D. Shira, Working President u bah S.F. Nongbri, bah Grelius Marweiñ bad u bah Ojoy A. Sangma, General Secretary u bah J.P. Hahshah, Assistant Secretary u bah Dhansing Hahshah, Treasurer u bah Teilang Pde, Advisers u bah Dliwell Marweiñ bad u bah A. Diengngan bad kynthup ruh ïa ki 22 ngut ki dkhot.
Kane ka long katkum na ka kyrwoh khubor na u bah J.C. Diengngan, President ka “South West Khasi Hills Mini Owners & Exporters Association.

Leave A Reply

Your email address will not be published.