Jowai, Ïaïong 10: Uwei na ki riew rangbah jong ka War Jaiñtia u ma K. Pohshna uba long kum u Chief Adviser ka Party UDP 7-Amlarem Constituency ha ka kyrwoh ba la phah u la pynpaw ïa ka jingsngewnguh hadien ka jingdep ban pynlong ïa ka jingïalang pdiang burom bad sngewnguh kum ka party jong ka UDP Amlarem Circle Unit bad ki paidbah ïa u ma Lahkmen Rymbui uba long u Local MLA ka 7-Amlarem Constituency bad kumjuh uba long kum u Chief Adviser jong ka Sorkar Jylla jong ka Meghalaya.
Ula ai khublei sngewnguh ïa baroh ki nongshong shong jong ka 7-Amlarem Constituency khamtam ïa kito ki leader radbah bad ki nongkyrshan naduh ki longkmie longkpa bad ki samla ba ki la ai biang ïa ka jingkyrshan kaba pura bad ban pynjop ïa u sa shisien ha kane une u snem 2023 ha kane kynti ban long biang u MLA jong ka 7-Amlarem Constituency.
Ha ka sngi leh burom la ai jingkren ruh da ki saw tylli ki Unit bad kren ai khublei ïa ki paidbah ha la ki jong ki jong ki Unit hapoh ka 7-Amlarem. La ïoh jingkren na ka War East Unit da u Kmen Massar uba long u President jong ka War East, u ma Hat Pohchen uba long u President jong ka War Centre u la ai jingkren bad ai khublei ïa ki paidbah baroh. Na ka War West la ai jingkren da u ma Chuinem Pohti u ba long u President jong ka War West Unit na ka bynta ki paidbah kiba la ai jingkyrshan ba pura. U ma D. Nongpluh ula ïoh ban ai jingkren na ka War North Unit. Ha katei ka sngi la pynïaid ïa ka jingïalang da u L. B. Sumer uba long kum u ex-CEM bad ex-MDC jong ka War East u ba bat kum u Vice President jong ka UDP 7-Amlarem Constituency bad kumjuh ha katei ka sngi la ai jingkren sngewnguh bad pdiang burom da u ma Kolmen Pohshna Chief Adviser jong ka Party UDP Amlarem Circle.
Kiba bun na ki nongkren kila ai khublei ïa u ma Lahkmen Rymbui uba la jop don burom bad kumjuh ruh la pdiang burom ïa baroh ki Unit hapoh ka 7-Amlarem Constituency naduh ki Village Unit kiba rit duh haduh kiba heh duh bad la kyntu ruh ba kin nang ïai tylli shuh shuh ban pynduh ïa kino kino ki jingsngew bad ban treilang namar kane ka jingjop u Bah Lahkmen Rymbui ka long ka nusip jong baroh ki nongkyrshan jong ka UDP 7-Amlarem Constituency.
Na ka liang u Bah Pohshna u la kyrpad ïa ki Saw tylli ki Unit ba nangne shakhmat ban nangtrei shitom shuh shuh ban jied ïa ki Candidate MDC 2024 da ka Sur u Paidbah ha la ki jong ki jong ki Circle khnang ba ngin lah ban wanrah ïa ki MDC ki ban ïa treilang na ka bynta ka jingbha jingmiat jong ki paidbah ka 7-Amlarem Constituency bad ban ïatreilang ryngkat bad u MLA ba ngin lah ban kyntiew bad wanrah ïa ka roi ka par hapoh ka Constituency namar ka jingjop u Bah Lahkmen Rymbui ka long namar ka jingtrei shitom jong u hi uba la wanrah shibun ki kam pynroi hapoh kine ki 5 snem ïa baroh kawei pa kawei ka shnong hapoh ka 7-Amlarem Constituency. Pynkut ka kyrwoh na u ma K. Pohshna.
