Khliehriat ïaïong 10 : Ki shipai ïada khappud, ki Border Security Force jong ka 172 Bn, Meghalaya, hynnin ka sngi ki la ïoh ban kurup ïa ki kwai kiba wan rah na ri Burma, kiba shongdor haduh T 12 lak, kiba la thmu ban khaïi beaiñ, ïa kine ki kwai na lap na kawei ka bus ba kamai, kaba ki shipai ki la kthong bad pynap ktem ha Umkiang, East Jaiñtia Hills District.
Ki shipai ki la ïoh bat ruh saw ngut ki briew ba kynthup ïa ki nongñiah jong katei ka bos, ha kaba ïadei bad kitei ki kwai la ong ba kitei kiba shah bat ha ki shipai kim shym la lah ban pyni ïa ki kot ki sla kiba biang, kitei ki saw ngut ki la ïathuh ba ba ki wan na Tripura bad ïa u kwai ba ki kit ki mut ban leit buh sha ISBT Guhati, ïa kitei ki saw ngut bad ïa u kwai ba ïoh bat bad kurup, ki shipai BSF ki la leit ban aiti noh ka ki pulit jong ka Umkiang PP ba kin leh ia kaba donkam kaba katkum ka aiñ.
