SHILLONG, ïaïong 07: Uwei u khynnah na ka shlem ai jinghikai jong ka Laban Sports Club Table Tennis Academy, uba la tip kyrteng da u Debobrata Paul, u la shah jied na bynta ka khusnam rangïalehkai ba kynsai lane ‘Best player’ na Meghalaya ha kaba ka Salute Tiranga Assam Pradesh ryngkat bad ka Table Tennis United Foundation ka la shah pynkup burom ïa u ha ka sngi U Blei (06 tarik ïaïong, 2025) ha Guwahati.
Kane ka dei ka sien kaba nyngkong ba uno uno u nongïalehkai Table Tennis na ka jylla Meghalaya un ïoh khusnam shabar ka jylla. Ka jingjia kaba pawnam ha ka histori.
Na ka liang jong ka Table Tennis United Foundation [TTUF] ka la ai khublei ïa u Debobrata Paul, uba dei na ka Laban Sports Club Table Tennis Academy halor ka jingïoh khur jong u ïa ka nam “Best Player of The Year” na bynta u snem 2024.
“Ngi sngew sarong ban ai ïa kane ka khusnam kum ka jingpynshisha ïa ka jingtrei shitom jong phi, ka jingkut jingmut bad ka jingaiti lut jong phi ha kane ka jingïalehkai,” la ong katei ka kyrwoh na ka Table Tennis United Foundation [TTUF].
“Ngim sngewphylla ba phin jop ïa ka khusnam mynta u snem namar Ngi la ju ïohi ïa ka jingtrei shitom bad jingaiti jong phi sha kane ka jingïalehkai. Phi la pyni barabor ba phi don ïa ki jinglong jong u nongïalehkai ba tbit bha bad kajuh ka paw ha ka jingtbit jong phi ha ki jingïalehkai. Ka jingtrei shitom bad ka jingaiti jong phi kan long kum ka jingai mynsiem ïa kiwei pat ki nongïalehkai bad Ngi kyrmen ba phin nang ïai long ka jingai mynsiem ïa ki ha ki por ban wan,”.
Ka table tennis United foundation ka dap da ka burom bad ka jingkyrkhu ban don ïa phi kum u dkhot jong ka synjuk jong Ngi. Khublei shibun sa shisien ba phi la jop ïa kane ka khusnam mynta u snem.
