Pynkup burom ka IAMA ïa ka ophisar sorkar halor ka jingïakhun ïa ka khlam Covid-19

0

Nongpoh, Lber 19: Kawei ka ophisar sorkar jong ka jylla kala shah pynkup burom haka International Academic and Management Asso ciation (IAMA) halor ka jinglah jong ka ban ïalam kum ka ophisar ha kaba ïadei bad ka jingïakhun ïaka khlam Covid-19.
Katei ka ophisar kaaba la shah pynkup burom ka dei ka kong Martina Lyttan kaba bat ruh mynta kum ka Deputy Secretary ka Urban Affairs bad Executive Officer ka Shillong Municipal Board bad ïa katei ka khusnam la leit ban aiti da u Dr. Vinay Kumar Sharma haka 17 tarik Lber 2023.
Katei ka ophisar kala ïathuh ruh naka liang ka IAMA kala pynkup burom ïaka hadien ba kala lah ban leh shibun ki kam khamtam haka jingïalam jong ka kum ka ophisar ban ïakhun ïaka khlam Covid-19 haka por ba ka bat kum ka EAC jong ka ophis u Deputy Commissioner, East Khasi Hills bad ruh kum ka Incident Commander jong ka Zone 3 bad 4.
Naka liang katei ka ophisar kala ai ruh ka jingkhublei ba kyrpang ïaka IAMA kaba la ithuh ïaki jingtrei shitom jong ka haka por ka jingïakhun ïaka khlam Covid-19 kaba long ruh kum ka jingai mynsiem ba kan dang lah shuh shuh ban trei shitom bad shakri haka kam naka bynta ki paidbah.

Leave A Reply

Your email address will not be published.