Pynïasoh NPP u MDC barim, ki nongïalam MCPC bad kiwei ki party ban pynjop ïa u Bah Shemphang

Nongpoh, Naiwieng 19: Da ki spah ngut ki paidbah bad ki nongïalam ba hakhmat na kiwei kiwei ki party mynta ka sngi kila leit ban pynïasoh ïalade bad ka party NPP naka bynta ban pynkhlain ïaka party ha Mawhati Constituency khamtam ban pynjop don burom ïa u Bah Shemphang Lyngdoh kum u Kyrtong ka party haka jingïalang ba kyrpang ka ba la long ha Mawlasnai.
Ki nongïalam ba hakhmat kiba la leit ban pynïasoh bad ka NPP ha katei ka sngi ki kynthup ïa u Bah James Sylliang MDC barim ka Mawhati, u Bah Mathias Mynsong Secretary ka MCPC, Bah Onda Lawai Vice President ka UDP ha Ri Bhoi bad kiwei kiwei ryngkat ki nongbud bad nongkyrshan jong ki.
Ha katei ka sngi la sakhi ruh da ka jingdonlang u Bah Dasakhiatbha Lamare MLA ka Mawhati, Bah Ngaitlang Dhar Adviser ka NPP ha Ri Bhoi, Bah Clement Mawlong President ka NPP ha Ri Bhoi, Bah Shemphang Lyngdoh Kyrtong ka NPP na Mawhati, ki nongïalam ka NPP na Mawhati naduh ki rangbah bad ki longkmie bad kiwei kiwei ki riew rangbah.
Haba ai jingkren ha kane ka sngi, naduh ki nongïalam ka NPP bad kynthup ruh kitei kiba wan pynïasoh sha ka party ki la shim ïa ka rai ban ïa trei lang na ka bynta ban dang pynkhlain ïa ka NPP party ha Mawhati bad ki kyrmen skhem ruh ba ka NPP kan dang ioh rah ïa ka nam jop ha kane ka election 2023 hapoh ka jylla.
Naduh u Bah James Sylliang, MDC barim ka NPP bad u nongïalam ka MCPC, u bah Mathias Mynsong ki la ai ka jingkular ban ïatrei ryngkat bad ka thong hi ka long ban pynjop ïa u kyrtong ka NPP na Mawati Constiteuncy, ha kaba la ioh jingkren ruh naduh u Ma Ngaitlang Dhar, u nongaibuit ka party ha Ri Bhoi, u Bah Dasakhiatbha Lamare, MLA bad myntri sorkar kiba la ai ka jingkular ba kin trei borbah na kabynta ka jingjop ka party NPP na Mawhati Constituency.