Shillong, Rymphang, 05: Ka Hynñiewtrep Youths’ Council (HYC) ha ka sngi Saitjaiñ ka la pynkha sa kawei ka shnat treikam kaba thymmai kaba la tip kum ka HYC-Jatap Unit kaba don hapoh u Sandi Mustoh, Shella Confederacy.
Ha kane ka sngi ki nongïalam ka seng kmie ba la lamkhmat da u President u Bah Roy Kupar Synrem ki la pynskhem ïa ki nongkitkam jong kane ka Unit ha ka jingsakhi lang ki riew rangbah bad ki paidbah nongshong shnong.
Ki nongkitkam ka HYC- Jatap Unit ki kynthup ïa u President Pyndapbor Shongwan, Vice President Teibor Diengdoh bad Bankyrshan Nadon, General Secretary Pyndaplang Laitmon, Secretary Khrawkupar Laitmon bad Bakordor Rapmai, Sports Secretary Starwell Phin bad 20 ngut ki Executive Member. Ka Seng ha kane ka sngi, ka la ai sngewbha da ki nep syaid bad ki tap moh khlieh ïa ki nongshong shnong ka Kher Jatap bad Lum-u-Smon.
