Nongpoh, Lber 09: Uwei u rangbah ba la 60 snem tam ei ei bad uba la tip kum u Bah Elius Ryndong na ka shnong Pahammawlein 20mer, u la shah pynïap dusmon ha ki riew runar, ha ka por ba utei u rangbah u dang thmu ban leit sha ka jaka rep jong u.
Watla ïa ka por jong ka jingshah pynïap ïa utei u rangbah ym pat tip, hynrei katkum ka jingïathuh da kiba haïing, la ong ba utei u rangbah uba la tip kyrteng kum u Bah Elius Ryndong, u la mih na ïing ha ka por 7 baje ei ei mynstep da ka jingthmu ban leit sha lyngkha, hynrei naduh katei hi ka por, kiba haïing kim don jingtip eiei ruh em, tad haduh ba ki la ïoh ïa ka khubor ba u la shah pynïap ha ki bynta ka lynti khlaw, kaba don harud jong ka surok na Pahammawlein 20mer sha ki thain Umdap.
Katkum ka jingïathuh da kiba haïing, la ong ba utei u rangbah uba la tip kyrteng kum u Bah Elius Ryndong, u la mih na iing ha ka por 7 baje ei ei mynstep da ka jingthmu ban leit sha lyngkha, hynrei naduh katei hi ka por, kiba haiing kim don jingtip eiei ruh em, tad haduh ba ki la ïoh ïa ka khubor ba u la shah pynïap ha ki bynta ka lynti ban khlaw, kaba don harud jong ka surok na Pahammawlein 20mer sha ki thain Umdap.
Ki la ïathuh ruh ba naduh katei ka por ba utei u rangbah u la mih na iing, kim don jingtip shuh shaphang jong u, hynrei kaba la pynkyndit eh ïa kiba haiïing jong utei u rangbah, ka dei hadien ba ha ka por 5:30 baje ei ei janmiet, ki la ïoh jingtip halor ka jingshah pynïap ïa utei u rangbah.
Haba ïadei bad katei ka jingjïa, ki Pulit Ri Bhoi lyngba ki Pulit ka Byrnihat Police Outpost, ki la leit mar mar sha katei ka jaka ban shimti ïa katei ka met bad ïa kaba la rah noh sha Nongpoh Civil Hospital, na ka bynta ban leh ïa ka Post Mortem.
