Pynbna u DC ka EJHD ban leh Aadhar khlem donkam ban siew pisa lyngba ka myAadhaar SSUP

Khliehriat Lber 28 : U Deputy Commissioner ka East Jaiñtia Hills District, u pynbna paidbah ba katkum ka Office Memorandum kaba 18/10/2022, ka bai leh Aadhar ka long T 25 tyngka, hynrei mynta pat ka la don kawei ka lad ka ba ki paidbah ki lah ban leh aadhar khlem da donkam ban siew pisa bad kata ka long lyngba ka portal website myAadhaar (SSUP), https://myaadhaar.uidai.gov.in/.
La ong ba kane ka portal website kaba lah ban leh online ka la sdang naduh ka 15 tarik u lber 2023 bad kan kut ha ka 14 tarik u jylliew 2023, lyngba kane ka website, ki briew ki lah ban update ne pynthymmai ïa ki kot kiba donkam khlem da donkam ban lut pisa, kane ka long ruh ban pynshlur ïa ki paidbah ba kin leh ïa u aadhar lane ka Unique Identification Authority of India (UIDAI), ban pynithuh ïalade bad kane kan ïarap ban pynsuk ïa ki paidbah ha kino kino ki kam.