Maham ka VDP Kuliang ïa kiba pynïaid tuh ïa ki masi ki muid na ki jaka rep bad mana ban die ïa ki jingdih pyn buaid

Khliehriat Lber 28 : Ka Village Defence Party jong ka shnong Kuliang, East Jaiñtia Hills District, ka buh ka jingmana bad maham ruh ïa kito kiba pynïaid masi tuh, kiba dei ki nongkhaïi masi beaiñ ba kim dei ban pynïaid masi na ki jaka rep ki briew namar kane ka wanrah ïa ka jingjot bad jingjulor ki mar rep jong ki nongshong shnong ha Kuliang.
Kumjuh ruh ka VDP shnong, ka mana bad maham ïa kino kino kiba die ïa ki jingdih pyn buaid ha shnong, kum ka kyiad, ki drok bad kiwei kiwei ki jait jingdih pyn buaid.
La ong bad maham ba lada lap ïa kino kino ki briew kiba leh pyrshah ïa ki jingmana bad jingmaham, ka VDP kan nym ailad ïa kum kita ki briew, namar lada ailad kan ktah ïa ka bha ka miat bad ka shong suk shong saiñ ha ka imlang ka sahlang ha shnong ha thaw.