Pynbna ka MRBA ban sdang ïa ka 2nd Sr. East Zone National Roll Ball Championship ha ka 24 tarik

Shillong, ïaïong 22: ka Meghalaya Roll Ball Association, ka pyntip ba kan pynlong ïa ka 2nd Senior East Zone National Roll Ball Championship ha madan ïalehkai basketball jong ka J.N Stadium, Polo, kaban long ha ka 24 bad ka 25 tarik mynta u bnai Ïaiong.
Ïa kane la wan ban pyntip ïa ka da u bah Suklang Dkhar ba dei u Working President, ryngkat ka jingïadon lang ka jong u bah Joshua Sohtun vice President bad u Freddy Marboh ba long dkhot jong ka Meghalaya Roll ball Association.
Ha kane ka lympung yn don kumba 7 tylli ki jylla kiban wan ban ïashim bynta bad kine ki long kum ka Assam, Arunachal Pradesh, Jharkhand, Chattisgarh, Odisha, West Bengbal bad ka Meghalaya, ha kaba kan eka jingïakob kan longn naka bynta ki khynnah kynthei bad shynrang.
Ïa kane ka jingïalehkai la sdang nyngkong ïa ka ha Pune nha u snem 2003 bad hangne hapoh ka jylla Meghalaya la sdang nyngkong ïa ka ha u 2019 bad hadien kane ka la lap ba wan noh ka jingkhangdam ne ka locked down, hynrei ka synjuk ka la sdang pat noh ban pyntyllun shakhmat ïa kane ka jingïalehkai naduh u snem 2022.
Haba phai sha ka rukom ïalehkai ki samla ka jylla, u bah Suklang u kam ba ki samla ki la kiew ha kane ka jingïalehkai, ha kaba kum ka synjuk ka la lah wat ba kan pynlong ïa ka lympung jong ka 4th Federation Cup, kaba hangne lap bad shem ba ki khun samla ka jylla, ki la sdang ban shim khïa bha ïa kane ka jingïalehkai.
Nalor katta u bah Suklang lyngba ka jingwan ban pynlong ïa kane ka lympung ïalehkai, u kwah bad thrang ba ka Roll Ball kan long kum kawei na ki jinglehkai ba kan don lang ha ka lymnpung bah ïalehkai ka ri ka National Games kaba la buh ban long ha kane ka jylla, namar u kam ba kum ka jylla, ka don ïa ki nongïalehkai kiba tbit ne ba ki lah wan ban ïoh ban khur takma naka bynta ka jylla ha ka National Games.