Pynbna ka BJP ïa 60 ngut ki kyrtong, ïoh tiket u Bah Kharkrang duh u Bah Kharsyntiew

0

Shillong, Rymphang 02: Ka Bharatiya Janata Party (BJP) ha ka sngi Palei ka la pynbna ïa ki 60 ngut ki kyrtong kiban ïakhun na ka tiket jong ka party ha kane ka elekshon kaban sa long ha ka 27 Rymphang.
Kine ki kyrtong jog ka BJP la pynbna da u President ka BJP Meghalaya u bah Ernest Mawrie na ophis treikam ka party na Delhi.
Ha kane ka thup jong ki kyrtong ki kyrtong kiba la mih kyrteng ki kynthup ïa u MLA na South Shillong u Bah Sanbor Shullai, u Bah AL Hek (Pynthorumkhrah), u Bah Himalaya M Shangpliang (Mawsynram), u Benedic R Marak (Raksamgre), ka Ferlin CA Sangma (Selsella) bad u Samuel M Sangma (Baghmara).
Ha kane ka thup ka BJP ka la sei ruh 6 ngut ki kyrtong kynthei ba kynthup ïa ka Kong Marian Maring (Nongpoh), Riya Sangma (Jirang), ka Arena Hynniewta (Shella), ka Darikmen L Marshyllong (Mawthadraishan), ka Kong Betty Jyrwa (Mawkyrwat).
Shuh shuh la sakhi ba u President ka BJP u BahErnest Mawrie un aireng na Mawprem, u MLA ba la jop laisein bad uab ka NPP ruh ka la pynbna ïa u kum u kyrtong u Bah MM Danggo (Ranikor), u MLA barim ka HSPDP na Nongstoiñ u Bah Diostarness Jyndiang, u Edmund K Sangma (Phulbari), bad ki don ruh angut ki MDC kiban aireng ba kynthup ïa u Bernard N Marak uban ïakhun pyrshah ïa u Conrad K Sangma na South Tura, u Dipul R Marak (Rangsakona), bad kumjuh ruh u MDC barim u David Kharsati na Nongthymmai uban aireng pyrshah ïa u Bah Jemino u General Secretary ka UDP bad u President ka AITC u Bah Charles Pyngrope.
Katba ka BJP ïa ka tiket na North Shillong ka la ai ïa u Bah Marïahom Kharkrang u heh pulit ba la shongthait bad pynduh tiket noh pat ïa u Bah Michael Kharsyntiew.
Lah ruh ban ïohi ba ha kane ka thup u nongïalam jong ka kynhun ki nongñiah kali kamai u Bah Wandonbok Jyrwa un aireng na Mawlai bad kumjuh u kyrtong ba aireng ha ka elekshon shiteng samoi na Mawryngkneng na ka tiket Congress u Bah Highlander Kharmalki un ïakhun noh na ka BJP ha kane ka elekshon ba mynta.
Kiwei kiwei pat ki kyrtong kiba ka BJP ka la pynbna ki kynthup ïa u Rimiki Sari (Nartiang), u Allan Keith Suchiang (Jowai), u Lakhon Biam (Raliang), u Currentis Rabon (Mokaïaw), u Krison Langstang (Sutnga-Saipung), u Bhayes Chyrmang (Khliehriat), u Firstborn Manner (Amlarem), u Dr Everist Myrsing (Mawhati), u Duruth Majaw (Umsning), u Shanbor Ramde (Umroi), u Wankitbok Pohshna (East Shillong), Sameul Hashah (Mylliem),u David T Kharkongor (Nongkrem), u Seraph Eric Kharbuki (Sohiong), u Wossaroi Rani (Mawphlang), u Rowelly Khongsni (Pynursla), u Michael Ronnie Kshiar (Sohra), u Counsellor Mukhim (Mawkynrew), u Mark Rinaldy Sawkmie (Mairang), u Sparsterlin Nongrem (Rambra-Jyrngam), u Bijoy Kynter (Mawshynrut), u Elstone D Marak (Kharkutta), u Sengnab Ch Momin (Mendipathar), u Sukharam K Sangma (Resubelpara), u Herrendro A Sangma (Bajengdoba), u Thomas N Marak (Songsak), u Raplush Ch Marak (Rongjeng), u Raknang Ch Momin (Williamnagar), u Rahinath Barchung (Tikrikilla), u Bakul Ch Hajong (Rajabala), u Braining R Marak (Dadenggre), u Adamkid M Sangma (North Tura), u Premananda Koch (Ampati), u Tingk R Marak (Mahendraganj), u Boston Marak (Salmanpara), u Daniel M Sangma (Gambegre), u Akki A Sangma (Dalu), u Calis G Momin (Rongara Siju) u Novembirth Ch Marak (Chokpot).
“Ngi kyrmen skhem ba ha kane ka kynti kaba mynta ngin lah ban ban leh bha,” ong u Bah Ernest Mawrie.
U la ong ruh ba ka party ha u snem 2018 ka la ïakhun na ki 47 seat bad ka lah ban jop tang 2 seat hynrei ka la lah ban bat ïa ka kyrdan ba-ar ha ki 7 seats bad ha ka kyrdan balai ha ki 12 seat.
Lah ban kdew hangne ba kat haduh mynta dei tang ka BJP kaba lah ban sei kyrtong ha baroh 60 tylli ki seat tang ha ka shisen sei bad kumba long mynta lah ban ïohi ba dei tang ka BJP kaba aireng na baroh 60 namar kiwei ki party watla ki la pynbna ïa ki kyrtong la ïohi ba ki la phet noh ban ïakhun kum ki kyrtong shimet ne randien noh ban aireng.

Leave A Reply

Your email address will not be published.