Shillong, Naitung 10: Ka Sorkar Jylla ha ka sngi Balang ka la pynbeit ïa ka dor khyndew ha New Shillong township (NST) Phase-II bad ha ka thaiñ Mawkhanu.
“Ka jingmut jong kane ka long ba ngi la buh katto katne ki jaka kaba don na ka bynta jong ngi bad katto katne ki jaka kiba don kiba long laitluid mynta ka sorkar jylla ka la pynbeit ïa ka dor na ka bynta kiwei pat ki tnat bad ki tnat ka sorkar pdeng bad kiwei ki private sector, kiba kwah ban wan khnang ba ngin lah ban pynmih khajna,” ong u Myntri Rangbah ka jylla u Conrad K Sangma.
Haba ong ba ka sorkar ka la don katto katne ki ban pynlut pisa, u Sangma u la ong, “Mynta da ka jingkiew ka dor kaba nyngkong, ngi sngew ba ka long kaba dei ban thaw katto katne ki policy bad katto katne ki base rate halor ka nongrim ba ngin lah ban ai ka jaka sha ki agency bapher bapher bad baroh kine kin long da ka jingai wai ka ban neh slem bad ïa ka dor la dep ban buh bad ka dor ka ïapher na ka sorkar jylla bad ka sorkar pdeng bad sha ki private sector, bad ki la don ki dor kiba la dep ban buh. Ka daw kaba kongsan ba la rai da ka kynhun myntri mynta ka sngi ka long ban buh ïa ka dor kaba skhem.”
“Bad lada baroh kine ki hap hapoh kajuh ka jaka, kadei ban don ka dor nyngkong kaba heh ba ka sorkar ka lah ban kamai na kane ka jingai wai ïa ki jaka,” u la bynrap.
