Shillong, Rymphang 05 : Ha ka lynti ïaid sha ka elekshon MLA 2023 na Mawphlang Constituency ka ban long ha ka 27 tarik mynta u bnai, u kyrtong ka People’s Democratic Front (PDF), Bah Auspicious Lyngdoh Mawphlang u la ïoh pdiang jingkyrshan sa na ki samla kynthei bad shynrang kiba dei ki nongkitkam ka Mawphlang Youth Block Congress Committee (MYBCC).
La pdiang burom ïa katei ka kynhun ki samla na ka MBYCC ha ka 03 tarik u Rymphang, 2023 ha ophis treikam ka PDF Mawphlang Constituency da u Bah Auspicious ha ka jingïadonlang kiwei pat ki nongkitkam ka Party.
ïa katei ka kynhun ki samla ka Congress ba palat 50 ngut eiei la lam khmat da u samla K Nongsiej, Vice President bad samla F Kharkongor, Secretary ban pynïasoh sha ka PDF ha ryngkat ka jingthmu ban kyrshan radbah ban pynjop ïa u Bah Auspicious.
