Nongpoh, Rymphang 02: Kawei ka dukan harud ka surokbah National Highway ka la phra phum bad julor, kaba dei hadien ba kawei ka Trok ba kit jingkit ka leit ban tynrah hynne ka step phyrngap.
Kane la jia ha surokbah National Highway-6 ha Ri Bhoi District ha ka sngi Thohdieng ha ka por 3:00 baje mynstep ba hap ha ka Shnong Umryngksai.
Kane ka trok kaba don ïa u number AS 01 JC 1301 ka la tynrah ia kane ka dukan na ka daw daw ba u nongñiah jong ka trok u la shoh samthiah kynsan bad khlem poi pyrkhat u la leit ban tynrah ïa ka dukan harud surok.
Kumba la ïoh lum jingtip ym shym la don ba mynsaw la ka long na ka liang u nongniah kali ne u khun jong ka trai dukan ba thiah hapoh dukan bad lait noh ka jingjulor ka dukan bad ki tiar ki tar ba don hapoh ka dukan ki la julor lut.
