Nongstoiñ, Rymphang 2: Ka Ophis U Deputy Commissioner, Eastern West Khasi Hills District, ha ryngkat ka jingïatreilang bad kiwei ki tnad sorkar, ki Rangbah Shnong, ki shnong jong ka thaiñ Mairang bad kiwei pat, ha ka 2 tarik Rymphang 2024 ki la pynlong ïa ka jingpynkhuid ïa ka wah Ummawleiñ, na jingkieng Ummawleiñ kaba dei shi bynta jong ka International Water Conclave 2024.
La sdang ïa kane ka jingpynkhuid ïa ka wah Ummawleiñ ha ka por 9 baje mynstep, ha kaba la ïohi ïa ka jingïashim bynta shitrhem jong baroh, naduh ki ophisar sorkar, ki nongtrei sorkar, ki riew tymmen bad ki samla samhoi jong ka thaiñ Mairang.
Ka jingthmu jong kane ka prokram ka long ban wanrah ïa ka jinghikai sha baroh ki nongshong shnong, ba kim dei ban pynjaboh ïa ki tyllong um ki tyllong.
U Deputy Commis-sioner jong ka Eastern West Khasi Hills, District, Bah G. Kharmawphlang, IAS, u la kyntu bad wer ïa baroh ban ym pynjaboh ïa ki tyllong ki tyllong wah.
