Mawkyrwat : U District Election Officer jong ka South West Khasi hills District u la pyntip paidbah ba ka General Observer na ka bynta ka 35 – Ranikor (ST) & 36 – Mawkyrwat (ST) Assembly Constituencies, ka Dr. Pratibha Singh, I.A.S, Observer Code G-24166, kaba dei ka General Observer jong ka South West Khasi Hills District, Mawkyrwat ka la wan poi ha ka district ha ka 7 tarik u Rymphang, 2023.
Ki political Parties lane ki kyrtong lane kino kino kiba kwah ban ïa kynduh ki lah ban ïa kynduh naduh ka por 10 haduh ka 11 baje mynstep.
U Superintendent of Police jong ka South West Khasi Hills District, Mawkyrwat u la pyntip sha ki paidbah jong ka 35 – Ranikor (ST) & 36 – Mawkyrwat (ST) Assembly Constituencies ba u Kishan Sahay Meena, IPS Police Observer Code: P-28389 na ka bynta ka South West Khasi Hills District, Mawkyrwat u la wan poi ha ka 6 tarik u Rymphang, 2023. Namarkata, ki Political Parties lane ki kyrtong lane kino kino kiba kwah ïa kynduh ïa u ki lah ban phone ne ïa kynduh hapdeng ka por 10 baje haduh 11 baje mynstep.
Mairang : Kane ka long ka jingpyntip sha baroh ki paidbah khamtam ki kyrtong bad parti ba ïakhun elekshon na ka 30- Mairang (ST) Constituency bad ka 31- Mawthadraishan (ST) Constituency ba u General Observer na ka bynta kine ki ar tylli ki constituency, u Dr. T.G Vinay, IAS u la wan poi ha Eastern West Khasi Hills District bad kino kino kiba don jingujor halor kano kano ka jingpynkheiñ ïa ki kyndon jong ka Model Code of Conduct (MCC) hapoh ka Distrik ki lah ban phone ïa u ha u numbor 9233517916, lane ki lah ruh ban leit ïakynduh ïa u ha Circuit House, Mairang naduh ka por 3 baje haduh ka por 4 baje janmiet.
