Shillong, Jymmang 06 : Ki la don haduh 160 ngut ki khynnah ïalehkai kiba wan na ki 22 tylli ki Kendriya Vidyalayas ha ka lympung ïalehkai ha PM SHRI Kendriya Vidyalaya Happy Valley Shillong kaba la sdang naduh ka 04 tarik tad haduh ka 06 tarik mynta u bnai.
Kane ka lympung ïalehkai ba la tip kum ka Regional Sports Meet ka la sakhi ïa ka jingïalehkai bapher bapher kiba kynthup naduh ka jingïalehkai skip, ïa kura, taekwondo, skating, ïakob siat suloi, chess bad kiwei kiwei.
U Kongsan ba donlang ha kane ka sngi dei u Brig Joe Sabby, Commandant 58 GTC & Chairman VMC bad Principal ka skul PM SHRI KV EAC Upper Shillong bad kiwei kiwei.
Na ka liang u Kongsan haba kren ha kane ka sngi u la ong ba ki jingshim bynta ha ki jingïalehkai ka long kaba kongsan bha ha ka jingim jong ki khynnahskul. U la ai ruh ka jingïaroh ïa ki bor pynïaid ïa ka jingïalehkai bad kumjuh ïa ki nongshim bynta ha katei ka 54th KVS Silchar Regional Sports Meet 2025.
La pynphuh shuh shuh ïa ka lympung da ki jingsam ïa ki khusnam bad kiwei kiwei ki prokram.
Kane ka long katkum ka kyrwoh ba la phah da u Principal ka KV Happy Valley, Shillong, u DB Singh.
