Khliehriat, Jymmang 06 : U bah Paul Lyngdoh uba dei u myntri uba dei peit ïa ki kam jngohkai pyrthei, mynta ka sngi u la plie paidbah ïa ka madan Futsal Football Ground ha shnong Mukhaialong, East Jaiñtia hills District bad kane ka madan ka dei jong ka San Shnong Secondary School Mukhaialong, la ïa don ryngkat lang ruh ki khynnah skul, ki nonghikai, ki nongpyniaid shnong bad ki paidbah nongshong shnong.
Haba kren kum u kongsan, u bah Paul Lyngdoh u la pynshlur bad ai mynsiem ïa ki khynnah ba ki dei ban pynleitjingmut ruh ha ka jingialehkai football namar lada ki khynnah ki long kiba tbit ban ialehkai football naduh ki Football club kiba na ki dong ki thain, ki shnong, ki khynnah kin ioh ïa ka jingiarap kaba haduh T 3 klur na ka sorkar Meghalaya, ym tang katta kin ioh ruh ka lad ban pyni ïa ka sap jong ki sha ka pyrthei yn da ka wan ka national game ha u snem 2027.
U bah Kyrmen Shylla, u la ong ba kin sa don shuh ruh ki madan futsal kiba yn sa plie hapoh ka constituency jong u.
