Mawkyrwat, Naiwieng 13: Ka Hynñiewtrep National Youth Front (HNYF) jong ka Keniong Unit ryngkat ka Hynñiewtrep National Youth Front (HNYF) jong ka South West Khasi Hills District ki la ïoh ban pynhap pyrda noh ïa ka lympung ïalehkai phutbol kaba tip kum ka 1st Invitation Football Tournament 2026 ha ka shnong Keniong, South West Khasi Hills District.
Ha kane ka sngi, ka jingïalehkai ka long hapdeng ka Shipara Football Team bad ka Thiepdiengngan Football Team ha kaba ka Shipara Football Team ka la rah ïa ka nam lahduh ha kane ka lympung hadien ba ka la lah ban pynliem noh ïa ka Thiepdiengngan Football Team da 2 – 0 kol.
Hadien ba kut jong ka jingïalehkai bad jingsam ïa ki khusnam sha baroh ar tylli ki kynhun, na ka liang ka seng hapoh ka jingïalam u Bah Shainingstar Wanniang, President ka la ïoh ruh ban noh synñiang da ki jaiñkup thiah ïa ki briew kiba don jingduna ha ki dkhot met.
