Mawkyrwat, Naiwieng 08: Kum shibynta ban pynsah jingkynmaw ïa u Nongmihkhmat barim jong ka Mawkyrwat Constituency, u (L) bah Rowell Lyngdoh (bam kwai ha dwar U Blei) uba la bat teng ruh kum Symbud Myntri Rangbah jong ka jylla Meghalaya, na ka liang ka All India Trinamool Congress jong ka Mawkyrwat Block ka la pynlong ïa ka jingialehkai kynjatbol ba la tip kum ka Football Tournament 2022 ha Shiliang Um Zone ha ryngkat ka jingïatrei lang jong ka Mawkyrwat Constituency Socio Economical and Political Awareness Committee (MCSEPAC).
Ha kane ka sngi la pynïalehkai sdang da ka Mawthawpdah Sports Club pyrshah ïa ka Shngimawleiñ Sports Club ha kaba ka Shngimawleiñ SC ka la jop noh da 4 – 0 kol.
Lah ban kdew ba ha kane ka lympung ïalehkai kynjatbol ki la don kumba 32 tylli ki kynhun kiba la wan ban ïashimbynta na kylleng ki shnong.
Shuh shuh la ong ba ka MCSEPAC kan pynlong ïa kum kine ki lympung ïalehkai ha ki 4 tylli ki zone ha kaba ki ar tylli ki zone ki la ïaid shaid shaid kaba la tip kum ka Rangbalang Zone bad ka Shiliang Um Zone kaba dang sah ka long ka Riwar Zone bad ka Mawkyrwat Zone.
La ïoh ban plie pyrda ïa ïa ka lympung ïalehkai kynjatbol ha Shiliang Um Zone da u bah Sounder S. Cajee u ba long ruh u kongsan bad ha kajuh ka por kum u President jong ka MCSEPAC uba long ruh u kyrtong na ka TMC u ban sa ai reng ha kane ka elekshon MLA 2023 na Mawkyrwat Constituency ha ka jingïadonlang u babu Phrinly Wanniang, bah Bursing Syiemlieh, u samla Benjohnson Lyngdoh, President jong ka MCSEPAC Youth Wing, ki nongkitkam jong ka MCSEPAC Woman Wing, lem bad kiwei kiwei de ki ‘riew rangbah.
La pynshit pynshngaiñ ruh ïa kane ka program da ka drama lyngkot na ka NKD Wans YouTube Channel na shnong Mawlangwir.
