Shillong, Nailur 24: Ka Shillong Lajong ka la pyndep ïa kaei kaba ka la thmu ban leh da kaba pynliem 3-0 ïa ka Laitkor hynne ka sngi Palei ha ka Shillong Premier League 2026, ha SSA Stadium.
Kiba la pynkhihjar ki long u Freddy Jyrwa (27’), u Rimankhraw Kharumnuid (63’) bad u Iohborlang L Lyngkhoi (77’P).
Ka jingjop ka la kyntiew ïa ka Lajong sha khlieh duh jong ka miej, da kaba kamai 14 poiñ mynta na ki hynñiew tylli ki jingïalehkai, ha kaba ka Langsning kaba ïada ïa ka burom lahduh mynta ka don ha ka kyrdan kaba ar da 13 poiñ. Hynrei ka Langsning ka don sa kawei ka jingïalehkai ha kti ban ïaryngkat katba ka Mawlai kaba wan ha ka kyrdan kaba lai (11 poiñ) ka don sa ar tylli ki jingïakhun ha kti.
Shuwa kane ka jingïakhun, ka Laitkor ka la shah rem ha baroh lai tylli ki jingïalehkai ba mynshwa pyrshah ïa ka Lajong ha ka SPL ha kine ki khyndiat snem ba la dep. Kim shym la paw satia ban ïoh pynkhihjar hynne ka sngi wat haba ki la thaw katto katne ki lad kiba don jingkyrmen; ka rukom lehkai jong ki ka la long kaba duna palat ban ïaid lait ïa ka kut ba skhem jong ka SLFC.
Haba phai sha ka jingïalehkai, watla ka Laitkor ka la sdang kham bha hynrei ka jingbakla sngewthuh jingmut hapdeng u rangap-kol, u Deranius Wahlang bad u Richarles Rani, ka la pynlong ïa ka kynhun ban shah thep. Ka bol pashat jong ka Lajong ba la pynrung da u Samchaphrang Lato shakhmat na ka bynta u Freddy, ka la shah pyndik ha u Richarles. Une u rangapdien u la paw ba u pyrshang ban pyllait jaka ïa u Deranius ban wan kem noh ïa ka bol hynrei u nongap kol u la artatien ban mih bad kane ka la plielad ïa u Freddy ban pynkhihjar.
Ha ka kylla miet, u Wadskhem Marbaniang u la ïoh ban pyrshang tang kawei hi ka kabu kaba thikna sha kol na ka bynta ka Laitkor hynrei ïa kane la tehlakam da u nongap kol ka SLFC u Lakpa Lama. Hadien katto katne minit ka Laitkor ka la ïohlad biang hynrei ka jingpyrshang jong u Shaipharlin Nongsiej ka la long lehnohei.
Kham hadien ba ka Lajong ka la tur shakhmat na ka liang kadiang bad ka la pynkynriah ïa ka bol sha shiliang ka madan, sha ka jaka ba thylli ba don u Rimankhraw. Une u rangïalehkai u la pynïasoh tiak ban pynsangeh ïa ka bol bad nangta u la pyrshang da kaba jam ban pynïaid lait na u Deranius.
Ka la don sa kawei pat ka kol ha kane ka jingïakhun bad ka la wan na ka penalty. U Riborlang Lyngkhoi u la shah pynur hapoh phyllaw kol (box) bad u Iohborlang u la shimti khlem jingbakla ban thep ïa ka kol kaba lai.
Ka jingïakhun ha kane ka sngi Thohdieng kan long hapdeng ka Nangkiew Irat pyrshah ïa ka Mawlai ha ka 3 baje mynsngi. Ka Mawlai haduh mynta kam pat shah rem bad kan knieh biang ïa ka kyrdan ba nyngkong ha ka miej lada ka jop namar ba ka don ka jingïapher kol kaba kham bun ban ïa ka Lajong (+7 la +4).
Shillong, Nailur 24: Ka Shillong Lajong ka la pyndep ïa kaei kaba ka la thmu ban leh da kaba pynliem 3-0 ïa ka Laitkor hynne ka sngi Palei ha ka Shillong Premier League 2026, ha SSA Stadium.
Kiba la pynkhihjar ki long u Freddy Jyrwa (27’), u Rimankhraw Kharumnuid (63’) bad u Iohborlang L Lyngkhoi (77’P).
Ka jingjop ka la kyntiew ïa ka Lajong sha khlieh duh jong ka miej, da kaba kamai 14 poiñ mynta na ki hynñiew tylli ki jingïalehkai, ha kaba ka Langsning kaba ïada ïa ka burom lahduh mynta ka don ha ka kyrdan kaba ar da 13 poiñ. Hynrei ka Langsning ka don sa kawei ka jingïalehkai ha kti ban ïaryngkat katba ka Mawlai kaba wan ha ka kyrdan kaba lai (11 poiñ) ka don sa ar tylli ki jingïakhun ha kti.
Shuwa kane ka jingïakhun, ka Laitkor ka la shah rem ha baroh lai tylli ki jingïalehkai ba mynshwa pyrshah ïa ka Lajong ha ka SPL ha kine ki khyndiat snem ba la dep. Kim shym la paw satia ban ïoh pynkhihjar hynne ka sngi wat haba ki la thaw katto katne ki lad kiba don jingkyrmen; ka rukom lehkai jong ki ka la long kaba duna palat ban ïaid lait ïa ka kut ba skhem jong ka SLFC.
Haba phai sha ka jingïalehkai, watla ka Laitkor ka la sdang kham bha hynrei ka jingbakla sngewthuh jingmut hapdeng u rangap-kol, u Deranius Wahlang bad u Richarles Rani, ka la pynlong ïa ka kynhun ban shah thep. Ka bol pashat jong ka Lajong ba la pynrung da u Samchaphrang Lato shakhmat na ka bynta u Freddy, ka la shah pyndik ha u Richarles. Une u rangapdien u la paw ba u pyrshang ban pyllait jaka ïa u Deranius ban wan kem noh ïa ka bol hynrei u nongap kol u la artatien ban mih bad kane ka la plielad ïa u Freddy ban pynkhihjar.
Ha ka kylla miet, u Wadskhem Marbaniang u la ïoh ban pyrshang tang kawei hi ka kabu kaba thikna sha kol na ka bynta ka Laitkor hynrei ïa kane la tehlakam da u nongap kol ka SLFC u Lakpa Lama. Hadien katto katne minit ka Laitkor ka la ïohlad biang hynrei ka jingpyrshang jong u Shaipharlin Nongsiej ka la long lehnohei.
Kham hadien ba ka Lajong ka la tur shakhmat na ka liang kadiang bad ka la pynkynriah ïa ka bol sha shiliang ka madan, sha ka jaka ba thylli ba don u Rimankhraw. Une u rangïalehkai u la pynïasoh tiak ban pynsangeh ïa ka bol bad nangta u la pyrshang da kaba jam ban pynïaid lait na u Deranius.
Ka la don sa kawei pat ka kol ha kane ka jingïakhun bad ka la wan na ka penalty. U Riborlang Lyngkhoi u la shah pynur hapoh phyllaw kol (box) bad u Iohborlang u la shimti khlem jingbakla ban thep ïa ka kol kaba lai.
Ka jingïakhun ha kane ka sngi Thohdieng kan long hapdeng ka Nangkiew Irat pyrshah ïa ka Mawlai ha ka 3 baje mynsngi. Ka Mawlai haduh mynta kam pat shah rem bad kan knieh biang ïa ka kyrdan ba nyngkong ha ka miej lada ka jop namar ba ka don ka jingïapher kol kaba kham bun ban ïa ka Lajong (+7 la +4).
