14 tylli ki takma khur ki thei bad ki rangïalehkai Kickboxing ka Meghalaya State Kickboxing Association na New Delhi

0

Shillong, Naiwieng 08 : Ka Meghalaya State Kick-boxing Association (MSKA) ka la ïoh ban khur haduh 14 tylli ki takma na ka lympung ïalehkai jong ka Indian Open International Kickboxing Tournament kaba long ha Talkatora Indoor Stadium, New Delhi naduh ka 02-06tarik mynta u bnai ba la pynlong hapoh ka lama jong ka WAKO IF Italy.
Kitei ki 14 tylli ki takma ki kynthup ïa ki 7 tylli ki takma ksiar, 4 tylli ki takma rupa 3 tylli ki takma rnong.
Barohlang lada kheiñ naduh u Nailur 2017 haduh u Naiwieng 2022, ka MSKA ka la ïoh ban khur haduh 68 tylli ki takma ksiar bad 64 tylli ki takma rnong ryngkat bad ki 33 tylli ki takma na ki lympung ïakhun bar ri.
Ki nongïoh ïa kitei ki takma ksiar ki kynthup ïa ka Medariphylla L Nongbri ha ka thup kiba hapoh 52 kilo, ka Evangel Pohplet na ka thup kiba hapoh 48 kilo, u Pynskhem Kshiar na ka thup kiba hapoh 51 kilo, u Banpynkhraw Warshong na ka thup kiba hapoh 48 kilo, u Thangoulian Manlun na ka thup kiba hapoh 71 kilo, u Winningstar Lyngdoh Nonglait na ka thup kiba hapoh 45 kilo bad u Teibor Marbaniang na ka thup kiba hapoh 48 kilo.
Kiba khur takma rupa pat ki kynthup ïa Babit Kharsahnoh, Elbring Umbah, bad Lumjingsuk Ïawphniaw.
Kiba khur takma rnong pat ki kynthup ïa u Johny Ryntathiang (2tylli), Emdor Blah bad Dajied Kyrpang Synjri.

Leave A Reply

Your email address will not be published.